Сұрақ-жауап

  • Сұрақ №: 50975
    Дата: 17.12.2019 22:46:55
    Аты-жөні: Маратұлы Қуаныш
    Сұрақ:
    Сәлеметсіздерме! Менің сұрағым, дұрысы шағым. Менің айтайын дегенім мен 2018 жылдың қаңтар айында Алматы облысы, Райымбек ауданы сотының бұйрығымен талапкер Рахымжанова Анаргуль Болатовнамен некемді бұзғам. Осы күнге дейін, яғни ағымдағы жылдың қазан айына дейін кәмелеттік жасқа толмаған ұлым Марат Фархад Қуанышұлынан және Қуанышқызы Фаризадан анамызбен тұрмаймыз деген шағым естіген жоқпын. Ағымдағы жылдың қараша айында I-тоқсандық каникул кезеңінде Нұр-Сұлтан қаласы Шәлкөде 2/1 пәтер 32 мекен жайы бойынша Марат Фархад Қуанышұлы, Қуанышқызы Фариза, Марат Икрам Қуанышұлы, Марат Имран Қуанышұлын 10 күндік демалысқа алып келген болатынмын. Демалыс кезеңінде балалардың Екібастұз қаласына бармаймыз, анамыз үнемі жанжал шығарып ұрып соғатындарын, спиртті ішімдік ішетіндігін, бөгде адамдардың үйде қонақ болатындығын және түн шамасында пәтер сыртынан құлыптап таңға жуық оралатындығын мәлімдеді. Менің сіздерге шағым жазу себебім, жосықсыздықтың алдын алып, тәлім тәрбие жұмыстарын жүргізуді немесе қатаң бақылауда ұстауды ұсынамын. Келешек ұрпақ, менің балаларым тәрбиесіз, қараусыз өскенін қаламаймын. Өрескел құқық бұзушылықтар орын алып жатқанын менің ауызша жазбаларымнан түсінбесеңіздер, арнайы психолог мамандарын қатыстыра отырып әр баладан жеке-жеке сауалнама алуларыңызды сұраймын. Азаматша Рахымжанова Анаргуль Болатовна борышкерлік жәрдем ақыны балалар пайдасына жұмсап жатқандығына шүбам бар. Себебі азаматша Рахымжанова Анаргуль Болатовна Альфа банк АҚ-на азамат Калелов Канат Ермековичтың берешегін төлеуде, оған айғағым бар. Айтайын дегенім балаларға тиеселі алимент дұрыс жолмен жұмсалмауда. Азаматша Рахымжанова Анаргуль Болатовнаның бұл кредиттен бөлек қарыздары бар ломбард, займ жүйелерінде. Үнемі what's app желісінде балалардың жан айқайы жүрегіме батуда. Назарларыңызға рахмет. Алдағы уақытта тергеу тексеру шаралары атқарылатындығына сенімдімін. Ізгі ниетпен Қуаныш Маратұлы.
    Жауап күні:
    23 декабря, 2019 - 08:51
    Жауап:
    Қазақстан Республикасы Бас Прокурорының Блогына Қ. Маратұлына Құрметті Қуаныш Маратұлы! Қала прокуратурасымен 2019 жылғы 18 желтоқсанда Қазақстан Республикасы Бас Прокурорының Блогына келіп түскен, А.Б.Рахымжановаға қатысты тергеу тексеру шараларын қолдану туралы шағымыңыз қаралды. 2017 жылғы 30 маусымдағы Қазақстан Республикасы «Прокуратура туралы» Заңының 21-бабына сәйкес прокуратура органдары өтініштерді орны толмас зардаптар (адамдардың өміріне, денсаулығына және еліміздің қауіпсіздігіне), сондай-ақ шектелмеген адамдар қатарының немесе өзін дербес қорғай алмайтын (физикалық, психикалық және өзге жағдайлар) адамдардың құқықтарының бұзылуы жағдайларында қарайтыны хабарланады. Бұл ретте, прокурорлар өтініштердің көрсетілген санатын мынадай: құқық қорғау және арнаулы мемлекеттік органдарының қызметінде заңдылықтың бұзылған немесе олардың орын алу қаупі болған; құзыретіне өтінішті қарау кіретін уәкілетті мемлекеттік органның не оның лауазымды тұлғасының қызметінде мүдделер қақтығысы болған; уәкілетті мемлекеттік органның не оның лауазымды тұлғасының шешіміне және іс-әрекетіне (әрекетсіздігіне) келіп түскен шағым болған жағдайларда ғана қарайды. Көрсетілген мән-жайларға орай, Сізге А.Б. Рахымжанованың балаларға дұрыс тәрбие бермеу бөлігінде «Екібастұз қаласы әкімдігінің білім бөлімі» ММ-не, балаларды ұрып соғу фактілері бойынша «Екібастұз қаласы Полиция басқармасы» ММ-не, ал балалардың тұрғылықты жерін анықтау және алиментті мақсатқа сай емес жұмсалуы бөлігінде сотқа жүгінуді ұсынамыз. Құрметпен, Қала прокуроры Р. Кабиденов орын. С. Хазаев тел.(7187) 75-45-05
  • Сұрақ №: 50952
    Дата: 13.12.2019 11:51:45
    Аты-жөні: Мейрамова Амина
    Сұрақ:
    Сәлеметсіздер ме!Білем бұл хат әдеттегідей прокурорға жетпейді өкінішке орай.Бірақ прокурор оқыса деймін. Маған әділдік керек.Мен жалғызбасты анамын.бір ұлым бар. 5000 тенге ғана алимент аламын.Екі тиын артық жібермейді.Не ел қатарлы заң бойынша төлесін,немесе баладан бас тартсын.Баладан бас тартса алимент тоқтатылады. Себебі көп. Жұмыс істемейді деп ақталса биржаға жұмысқа тұрып, көше сыпырса да заңнын талаптарын орындауын сұраймын. Қазақстанда минимальный жалақы 42500 тенге екенін ескерткім келеді. Сонда мен неге 5мын тенге ғана алуым керек?Неге заң бойынша алимент Өндірілмейді? Әділдік қайда? Мен білем ол ип.жұмыс істейді.Бірақ оны ешкім дәлелдей алмайды. Жеке сот орындаушы Габбасов Турсынбек есімін ғана білемін.Оған да шағым қалдырғым келеді.Нәтиже жоқ. не почта арқылы да постоновление жіберген емес. Бұған дейін де ол туралы шағым қалдығам өзгеріс жоқ.Сіздерден өтініп сұраймын. Автоматты түрде сот орындаушыны ауыстыруларыңызды сұраймын. Себебі қалаға баруға қаражатым жоқ. Алимент қанша қарыз бар біліп беріңіздерші? Алиментке тағы да екінші рет сотқа арыз қалдыруым керек пе? Сіздерден әділ жауап күтемін.рахмет сіздерге.
    Жауап күні:
    30 декабря, 2019 - 17:41
    Жауап:
    А.О. Мейрамоваға ҚР БП Блогы Құрметті Амина Оразовна! Облыс прокуратурасы Сіздің алименттердің сомасымен келіспейтіндігіңіз туралы арызыңызды қарады. 2019 жылғы 5 сәуірде Б.С. Катпеновтен кәмелетке толмаған баланы асырауға ай сайын және кәмелетке толғанға дейін еңбекақының және (немесе) өзге де табысының 1/4 бөлігі мөлшерінде алимент өндіріп алу туралы жеке сот орындаушысы Т.Н. Габбасов №230/19-55-4055 атқарушылық өндіріс қозғағандығы анықталды. Атқарушылық өндіріс материалдары бойынша борышкер жұмыс істемейді, оның атында қандай да бір мүлік тіркелмеген. Жеке сот орындаушысы құжатты мәжбүрлеп орындау шараларын қабылдады (банк шоттарына тыйым салынды, елден шығу уақытша шектелді, сот ұйғарымымен жүргізуші куәлігінің қолданысы уақытша тоқталды). 2019 жылдың қаңтар айынан бастап борышкер Сізге ай сайын 10 000 теңге көлемінде ақшадай қаражат аударады. Борышкердің жұмыс істемеуіне байланысты жеке сот орындаушысы 2019 жылдың 23 желтоқсанына 1 310 653 теңге берешегін анықтады. Осыған байланысты кәмелетке толмаған баланы асыруға алименттің сомасы борышкердің табысына тікелей байланысты екендігін түсіндіремін. 2019 жылғы 23 желтоқсандағы атқарушылық құжатты қайтару туралы Сіздің арызыңыз бойынша жеке сот орындаушысы Т.Н. Габбасов атқарушылық құжатты қайтарды. 2019 жылғы 25 желтоқсанда атқарушылық құжатты орындауға қабылдау туралы Сіздің арызыңыз бойынша жеке сот орындаушысы А.Ф. Ишметова 2019 жылғы 27 желтоқсанда атқарушылық құжатты қабылдап, №869/19-55-1527 атқарушылық іс қозғалды. Осы жауаппен келіспеген жағдайда Сіз жоғары тұрған прокуратураға немесе сотқа оның көшірмесін қоса тіркеп, шағым келтіруге құқылысыз. Облыс прокурорының орынбасары М. Сламбеков  Омаргалиев А.Б.  31-50-61
  • Сұрақ №: 49663
    Дата: 13.05.2019 16:08:06
    Аты-жөні: Мейрамова Амина
    Сұрақ:
    Сәлеметсіздер ме! Маған әділдік керек. 2014 сот шешімі бойынша 5 мрп алимент өндіруге шешім қабылданған болатын. Яғни ол 5 мын тенге алимент. Қазір 5 мың тенге түкке де жетпейді. Балам жиі ауыра береді. Сондықтан жұмыстан да шығып кеткем. Менің сұрағым, неге барлығы қымбаттап кеткенде, неге менің алиментім ғана өспейді. Алимент төлеуші адам Өзі баладан бас тартам деген. Енді бас тартпайм дит. Алименттен бас тарт.Жақсы Жұмысқа шығуым керек дит. Мен балаға алимент төлеймін дейді. Бірақ қартайғанда баладан екі есі қайтарып алам дейді. Енді бас тартпайтын боп қалды. Одан бізге мүлдем көмек болған жоқ, болмайды да. Екеуі бір бірін танымайды да. Қандай әділетсіздік бұл 5 мын төледім, ұлым оған 60 мын төлеу керек пе өскесін. Ол әдейі жалған анықтамамен жүр. Ип. Жексеновте жұмыскер боп 18 мын жалақы ала деген құжатпен жүр. Айтыңыздаршы 18 мын жалақы жоқ қой. Неге мен 5 мын тенге ғана алимент аламын. Неге Алла жазға ұлым оған бес есе төлеу керек? Айтыңыздаршы әкелік хұқығынан айырса бола ма, немесе алиментті көбірек өндіруге бола ма? Бес мын тенге ешт. Жетпейді. Ол адамның жалған құжатпен жүргенін қалай дәлелдеп, әділдікке жетуге болады. Ол жұмыс істейді, жақсы ақша табады, бірақ официально емес. Неге алимент бағасы өспейді? Неге әділдік жоқ. Неге ол жалған анықтамамен жүреді алимент аз төлеу үшін. көбі солай жалған анықтамамен өз баласына ақша аз төлеу үшін қолданады. Әлде тағы да сотқа беру керек пе 5 мын алимент аз деп? және де біздің сот орындаушы жоғалып кетті, жауап жоқ жазбайт. Габбасов Турсунбек.
    Жауап күні:
    27 мая, 2019 - 12:45
    Жауап:
    А.О. Мейрамоваға ҚР БП Блогы Құрметті Амина Оразовна! Облыс прокуратурасы Сіздің алименттердің сомасымен келіспейтіндігіңіз туралы арызыңызды қарады. 2019 жылғы 5 сәуірде Б.С. Катпеновтен кәмелетке толмаған баланы асырауға ай сайын және кәмелетке толғанға дейін еңбекақының және (немесе) өзге де табысының 1/4 бөлігі мөлшерінде алимент өндіріп алу туралы жеке сот орындаушысы Т.Н. Габбасов №230/19-55-4055 атқарушылық өндіріс қозғағандығы анықталды. Атқарушылық өндіріс материалдары бойынша борышкер жұмыс істемейді, оның атында қандай да бір мүлік тіркелмеген. 2019 жылдың қаңтар айынан бастап борышкер Сізге ай сайын 10 000 теңге көлемінде ақшадай қаражат аударады. Борышкердің жұмыс істемеуіне байланысты жеке сот орындаушысы 2019 жылдың 23 мамырына 80 688 теңге берешек айқындалды. Осыған байланысты кәмелетке толмаған баланы асыруға алименттің сомасы борышкердің табысына тікелей байланысты екендігін түсіндіремін. Осы жауаппен келіспеген жағдайда Сіз жоғары тұрған прокуратураға немесе сотқа оның көшірмесін қоса тіркеп, шағым келтіруге құқылысыз. Облыс прокурорының орынбасары М. Алиханов  Омаргалиев А.Б.  31-50-61
  • Сұрақ №: 48111
    Дата: 03.02.2019 13:11:51
    Аты-жөні: Қарымсақова Жайлаш
    Сұрақ:
    Қайырлы күн! Құрметті прокурор мырза балам Хасанов Еркінге мекеме қызметкерлері үстіне киген киіміне тиісуде. егер мекеменің біркелкі формалары болатын болса, неге бермеске? Ол жоқты қайдан тауып киеді. мекеменің өзінің формасы қайда?Табылғанын, үйден барған киімдерін киіп жатыр, бары да нары сол. Бәрі қара түсті, өзгешелік жоқ сонда не кінә тағады. Осы киім мәселесін дұрыстап қарап шешсеңіз дұрысырақ па деп ойлаймын. Осы жөнінде әділ жауап беруіңізді сұраймын!
    Жауап күні:
    18 ақпан, 2019 - 18:17
    Жауап:
    Ж.Б. Қарымсақоваға БП блогы Құрметті Жайлаш Бакирқызы! Павлодар облысы прокуратурасымен Сіздің Қазақстан Республикасы Бас Прокурорының блогына түскен, ұлыңыз Е. Хасановқа АП-162/2 мекемесінде қысқы киім бермегені туралы арызыңыз қаралды. Алайда, 16.02.2019 ж. облыс прокуратурасына, ұлыңыз Е. Хасановтан, Сіздің бұрын жолданған арызыңызды қарастырмау туралы өтініші келіп түсті. Сонымен бірге, облыс прокуратурасы Сіздің арызыңызда көрсетілген мән-жайларды тексеріп, олардың расталмағандығы туралы хабарлайды. Облыс прокурорының орынбасары Е. Қожабеков орын. Е. Досымжанов. тел. 8 (7182) 315-091
  • Сұрақ №: 48100
    Дата: 01.02.2019 19:38:29
    Аты-жөні: Қарымсақова Жайлаш
    Сұрақ:
    Салеметсізбе құрметті прокурор мырза! Мен сотталушы Хасанов Еркіннің анасымын. Қазір ол Павлодар қаласы, Шығыс өндірістік аймағы 250, АП -162/2 мекемесінде жазасын өтеп отыр. 1 ақпан күні әкесіне таксофонмен хабарласып өзіне қол жұмсайтындығын айтты. Ол не себептен сондай жағдайға баруға душар болып отыр. Ұрып соғу зорлық зомбылық па қалай түсінбедік көзіміз көріп отырған жоқ. Маған осы жағдайға байланысты балама зиян келетін жағдайда осы мекеме жауап бере ала ма?Баламның құқығын қорғауға құқығым бар. Сол себептен осы істің мән жайын тексеріп әділ жаза қолдануыңызды сұраймын.
    Жауап күні:
    18 ақпан, 2019 - 18:17
    Жауап:
    Ж.Б. Қарымсақоваға БП блогы Құрметті Жайлаш Бакирқызы! Павлодар облысы прокуратурасымен Сіздің Қазақстан Республикасы Бас Прокурорының блогына түскен, ұлыңыз Е. Хасановқа АП-162/2 мекемесінің қызметкерлері тарапынан моральдік және физикалық қысым көрсеткен туралы арызыңыз қаралды. Алайда, 16.02.2019 ж. облыс прокуратурасына, ұлыңыз Е. Хасановтан, Сіздің бұрын жолданған арызыңызды қарастырмау туралы өтініші келіп түсті. Сонымен бірге, облыс прокуратурасы Сіздің арызыңызда көрсетілген мән-жайларды тексеріп, олардың расталмағандығы туралы хабарлайды. Облыс прокурорының орынбасары Е. Қожабеков орын. Е. Досымжанов. тел. 8 (7182) 315-091

Беттер